تصدر وسم نتائج التوجيهي مواقع التواصل الاجتماعي بعد تحديد وزارة التربية إعلان نتائج تكميلية التوجيهي اليوم في تمام الساعة العاشرة صباحاً، بينما أُعلنت النتائج اليوم فجرا.





كتبت ابتسام المناصير: الف مبروك  مبروك للناجحين وان شاء الله بختاروا الاختصاصات الي راح يتوفقوا فيها ⁧‫#وهاردلك‬⁩ للذين ما حالفهم الحظ والسنه الجايه بتعوضوا

‏اجى عبالي خبر من السنه الماضيه وهو

‏ ⁧‫#نتائج_التوجيهي‬⁩ ستصل عبر الرسائل النصية بدلاً من الموقع ابتداءً من العام المقبل.

‏طبعا حطينا عليه حجر.



وعلق رائد عبيدات:انتو مش حكيتو النتائج عالعشرة ليش طلعت الفجر بعدين مع هالسولافة والله حرقتو اعصاب طلاب التوجيهي



وغرّدت امال الحياصات:قعدت عالموقع اكثر من ساعة لفتح معي وكل العيلة على اعصابها ترا بدنا حل لقصة الموقع والضغط الي عليه مش طبيعي الي بصير



وتفاعلت بيلسان صمادي:كنا نايمين سمعنا صوت زمامير قمنا نشوف نتيجة اخوي مش حكيتو عالعشرة بطلعو ليش هيك بتعملو ب اهالي طلاب التوجيهي وبالطالب نفسو !!!



اسماعيل محمد قال: هو لسا التوجيهي موجود؟وين التوجيهي ايام زمان والله الو رهبة اكثر وخوف



ونختمها مع اوس رياض:محنا بنقول يا طلاب لا تنامو بالليل لانو خلص حفظنا النتائج دايماً تطلع الفجر شوف نتيجتك بعدين نام والله ينجحكو كلكو



كانت هذه مجموعة من تعليقات رواد مواقع التواصل الاجتماعي مع نتائج التوجيهي

radio albalad · أبرز ما تداوله رواد مواقع التواصل الخميس