تصدرت صورة نشرها أحد المواطنين لفاتورة مطعم بقيمة ٣٤ دينار مواقع التواصل الإجتماعي، بعدما كتب عليها "صحنين حمص وصحنين فول وصحن فته ب 34 دينار!!؟! طبيعي ولا مضحوك علينا!!"

إذا لقيت هذه الصورة موجة تفاعل كبيرة معها وعلق عليها الكثير من رواد فيسبوك، فعمر تميمي علق"انا شايف كلشي طبيعي ألى النص ليرا".

ونانسي الغرايبة"المشكلة بالشاي الكاسه بدينار و55 قرش كثير".

أما مهند قديسات فكتب"يعني انت صدقت الخبر ما هو هذا المواطن كذاب لأنه رايح على مطعم سياحي وعارف الأسعار وعارف إنه سعرهم في شرق وجنوب عمان وباقي المحافظات بدينارين او ثلاث دنانير".

وهاني الصالح"يا جماعه ٧ اشخاص هذول شو صحنين حمص 

وفي فته  بلصنوبر 

بس احنا شاطرين بلمبالغه".

أما محمد خالد" كويس في عندهم سرفيس مجاني مش مضحوك عليه وبس، هاي سرقة اشكره خبر بدعم من جهات عليا".

ورجائي بطاينة"7 شاي و7 مي وحمص باللحمه والصنوبر والسمن البلدي !!!! 

هذول 7 أشخاص يعني بدهم ب ليرتين خبز تايشبعوا".

ومأمون "اول شي هو مش صحتين حمص الواضح أن عدد الأشخاص هما 7 أشخاص بمعدل 5 دنانير للشخص وإذا أنك رايح علي مطعم سياحي بصراحه ما حدا ضربك علي ايديك وانا شايف السعر منطقي جدا ل 7 أشخاص في مطعم سياحي".

ونختمها بتعليق أمال حويطات" مضحوك عليك وكتير كان طلبت مشاوي".

كان هذا أبرز ما تداوله وتفاعل معه رواد مواقع التواصل الإجتماعي الأردني اليوم.

Radio Al-Balad 92.5 راديو البلد · مواطن ينشر صورة لفاتورة لمطعم تصدرت حديث مواقع التواصل