مشروع قانون معدل لقانون السير يتصدر مواقع التواصل الاجتماعي منذ الأمس بعد إقرار مجلس الوزراء المشروع وتعديل بعض بنوده ورفع أسعار المخالفات على العديد من التجاوزات. 

فمعتز الفليح علق على الموضوع "بكل صراحة القرارات الصادرة من قانون السير رائعة جداً وفي صالح المواطن لتخفيف ازمة حوادث السير الناتجة من بعض المتهورين" 

وسيف عريقات تساءل "أين التعديل لمشروع قانون عقوبات الدهس الذي كان وما زال يضع الحق على السائق؟؟" 

ومحمد يوسف "بوركتم، مع تغليظ العقوبات ومع الحزم في تطبيقها" 

الله يقويكم. " 

ياسر الصبيحات يؤيد القرارات "قرارات جيده للمستهترين بأرواح البشر" 

أما أسامة جوهر تساءل "طيب فش تغليظ العقوبه على الفاسدين وتغليظ العقوبه على اللي سرقوا ونهبوا 

وتغليظ العقوبه على اللي متخبين ورى مناصبهم 

وتخفيف الضريبه على قطع الغيار والصيانة للسيارات حتى تخف الحوادث 

وتغليظ العقوبه على اللي بحط قوانين بدون حلول جذرية وبدون ما يكون يعرف عن ايش بحكي وشومشاكل الحقيبه اللي ماسكها 

حسبي الله ونعم الوكيل" 

ونختمها بتعليق فادي"قوانين ممتازة و لكن شو بالنسبة للشوارع اللي ما فيها مصفات 

شو بالنسبة للشوارع المحفرة و المكسرة 

شو بالنسبة للانارة (النواسة) بكتير من الشوارع 

شو بالنسبة للارصفة اللي فيش مواطن بقدر يمشي عليها 

شو بالنسبة للسكوترات اللي ممكن يمر من تحت اباطي وانا سايق 

طيب السرعة الجنونية على الطرق شو وضعهاا...الخ متى ان شاء الله بتفكرو فيها 

و تنسوش المناهل المفاجئة اللي بدها علم الذرة لتتزبط اللي اذا ما كسرت السيارة بتجبلك شلل رعاش" 

كان هذا أبرز ما تداوله وتفاعل معه رواد مواقع التواصل الاجتماعي الأردني اليوم.

Radio Al-Balad 92.5 راديو البلد · معدل قانون السير حديث مواقع التواصل