المنتخب الأردني يواجه فلسطين بكأس العرب اليوم الساعة الخامسة ويحتل المنتخب الاردني المركز الثاني بثلاث نقاط بينما تملك فلسطين نقطة واحدة

هذا الحدث اثار تفاعل رواد مواقع التواصل الاجتماعي

نبدأ مع أحمد فريحات:مش عارف مين اشجع اليوم راح اكون زي المجانين وانا بحضر المباراة راح افرح اذا جاب الاردن جول وافرح اذا جاب فلسطين جول المعلق راح ينجن بس يشوف الجمهورين بهتفو لبعض

وعلق نيكولاس خوري: أغرب مباراة حتكون بالنسبة إلي هي مباراة الأردن وفلسطين، اذا حضرتها بمكان عام قدام أجانب رح يفكروني مجنون رسمي، مهو اذا صار في فرصة للأردن رح أتحمس، واذا صار في فرصة لفلسطين رح أتحمس، اذا فازت الأردن رح أنبسط، واذا فازت فلسطين رح أنبسط.

رح أحاول ما أحضرها في مكان عام عشان صدقًا الأجانب رح يصوروني وينزلوني كحالة في ناشونال جيوجرافيك.

وقال محمد علي المباراة الوحيدة الي على الجهتين فايزين

بينما كتب بلال البطوش لجنة مكافحة المنشطات تنصح لاعبي المنتخب الاردني والفلسطيني بتعاطي المنشطات لتقديم مباراة جميلة عطفاً عن المباريات الماضية بعد أكل الاربعات

أبو عزيز القرعان المشكله الي بدو يفوز بدو يلعب مع منتخب اصعب من المغرب

حازم سلامة: المشكله مش بهاي المباراة المشكله الي بفور بده يلعب مع الجزائر او مصر

كانت هذه مجموعة من تعليقات رواد مواقع التواصل الاجتماعي مع مباراة الاردن وفلسطين

radio albalad · كيف تفاعل رواد مواقع التواصل مع المباراة التي ستقام اليوم بين الاردن وفلسطين