تفاعل رواد مواقع التواصل الاجتماعي مع موافقة الكونغرس الأميركي على تخصيص مبلغ 1,650 مليار دولار كمنحة للأردن ضمن الموازنة الأميركية للعام 2022..



فكتب يحيى رياحنة: لا تفرحو يا اردنيين

هاي الاموال لن تستفيدو منها

لا لبناء مستشفى ولا تعبيد طريق ولا فتح مشاريع جديدة

ولا شيء

مصيرهم معروف



وعلق عبد الكريم الحكيم: المساعدات الي بتدخل الاردن كفيله تعيش الشعب بدون شغل...



وتفاعلت بيلسان:طيب منيح والله استثمروهن بمشاريع وشغلو هالشباب خلي البطالة تخف شوي والاكتئاب يروح من هالشباب والبنات الي بتخرجو وبقعدو بدون شغل



وفي موضوع اخر تفاعل نشطاء السوشال ميديا مع القاء القبض على شخص قتل شقيقته خنقاً إثر خلافات بينهما في محافظة مادبا مما اثار غضب رواد السوشال ميديا 



علقت رؤى العزة:كل الحلول القتل؟وين التفاهم وين الحوار كيف بهونلك بأختك هالقد بعدنا عن ديننا وصرنا نشوف القتل عادي؟؟



واضاف طه حسين:هذيك اليوم كنتوا تتغنوا بيوم المرأة العالمي والنساء وديرو بالكم عليهم !!

ولا اي شيء بالكون ببرر جريمتك المفروض تنعدم وتكون عبرة لغيرك



ونختمها مع إسراء محمد:استوصوا بالنساء خيرا مش موتوهم حسبي الله عليك والله يرحمها



كانت هذه مجموعة من تعليقات رواد مواقع التواصل الاجتماعي مع المساعدات الاميركية وقتل أخ لشقيقته.

radio albalad · تخصيص مبلغ 1,650 مليار دولار كمنحة للأردن ضمن الموازنة الأميركية حديث مواقع التواصل