فيديو مسرب بالخطأ أظهر اقدام إحدى المعلمات على الإعتداء على طفل من الأشخاص ذوي الإعاقة، في مركز خاص تابع للأشخاص ذوي الإعاقة في مدينة إربد انتشر مؤخراً على مواقع التواصل الأجتماعي

تفاعل رواد المواقع بشكل كبير مع هذا الحدث

ايات سليمان علقت : حسب رؤيتي لكثير حالات خرجت من المراكز ومع احترامي للقائمين عليها ..بس في معاقين دخلو على المراكز بمشو وطلعوا مش قادرين يتحركوا وكثير أطفال منهم انتكست اوضاعهم الصحية .. حسبي الله ونعم الوكيل بكل موظف ما بخاف الله

وقالت ساجدة : حسبي الله ونعم آلوكيل هينابندرس حالات خاصة بنمسحلهم وجوههم وبنعاملهم كأنهم أطفالنا … بطل في إنسانيّة حسبي الله ونعم الوكيل

وقال لؤي رفاعي : رح احكي شغلة وحدة بسس من امن العقوبة أساء الأدب لازم يكون في عقوبة رادعة والمراكز المعنية لازم كاميراتهم تكون مشبوكة مع الجهة الحكومية المختصة

واضافت هنادي : ما بطن اعظم مما ظهر ياريت يكون في مراقبة بضمير لأنه معظّم العاملين فيه ليس لديهم خبرة بالتعامل مع ذوي الاحتياجات الخاصة واحنا شفنا من قبل فيديوهات عن التعامل داخل هيك مراكز بس للأسف بس يطلع هيك فيديو بصير في اهتمام مؤقت وبعدها برجع الوضع ع حاله القديم

واضاف عمر : عشان هيك منحكي اغلب الأحيان مع الأشخاص ذوي الإعاقة بكون تعامل الشباب احسن لأنه عنجد هاي مش اول مرة ولا اول موقف واللي بداوم بمراكز تربية خاصة بعرف شو قاعد احكي .

وقال العزة أنه تم تشكيل لجنة من أجل مقاضاة صاحب المركز وإغلاق المركز، مشيرا إلى أنه سيتم إبلاغ النائب العام لاستكمال الإجراءات القانونية بحق المركز والقائمين عليه.

وأوضح أن المجلس الأعلى للأشخاص ذوي الإعاقة يعمل على إيجاد غرفة تحكم لمراقبة المراكز الإيوائية العامة والخاصة.

كان هذا أبرز ما تفاعل معه رواد مواقع التواصل اليوم.