اللجنة المالية النيابية أوصت أمس، بزيادة الرواتب لمن هم أقل من ٣٠٠ دينار ليتناسب مع ارتفاع أسعار السلع تعليقاً على هذا قال الخبير الإقتصادي مفلح عقل إن زيادة الرواتب سيؤثر على أعباء موازنة الدولة..

هذا الحدث يثير تفاعل وغضب رواد السوشال ميديا

كتب مبارك الحماد: إرهاق الموازنه من الخبراء والحراميه والنفقات والتخبيص من الحكومات سوء إدارة.

وعلقت منال الفايز: وانت كيف عرفت انه موازنة الدولة راح تتأثر احنا مش عايشين لازم زيادة في الرواتب واصلا دوبو الراتب مكفي فلا تهت من عندك خليهم يزودونا

أما محمد دويكات قال:الراتب ٣٠٠ دينار ولا ٢٨٠ شو بده يكفي بالله؟فواتير مي وكهربا ونت ولا اشتري اشياء للولاد ولا اصرف ع بيتي ولا ادفعهم مواصلات لشغلي؟ حرام حدا يكون راتبو أقل من ٥٠٠ بهالبلد لنقدر نعيش ضمن الطبيعي.

وتفاعلت رؤى صبيح: هاد تلاقيه الي بحكي هيك راتبو ٥ الاف واطلع وبيجي بنظّر عالشعب وبروح

بينما كتب عيسى ابو حلاوة:بلكي جد انو اذا زادو كل حدا وعد يا حبيبي ناس بتشتغل!!

 وضع البلد يتدهور اكثر

 محنا بدون هالواسطة مديونيتنا للركب كيف بس يزيدو رواتبنا

ونختمها مع خديجة منصوري:المشكلة في رواتب الوزراء والنواب مش برواتب الموظفين المشحرين

كانت هذه مجموعة من تعليقات رواد مواقع التواصل الاجتماعي مع توصية اللجنة المالية بزيادة الرواتب.

radio albalad · خبير اقتصادي :زيادة الرواتب سيؤثر على أعباء موازنة الدولة ...وغضب على منصات التواصل