تفاعل نشطاء السوشال ميديا مع إدانة وزارة الخارجية اعتداء الإحتلال الاسرائيلي على مشيعي جثمان وليد الشريف بوصفه تصرف لا انساني ومدان ومرفوض،جاء ذلك بعد مهاجمة الإحتلال الاسرائيلي جنازة وليد الشريف واقتحام المقبرة في القدس المحتلة







كتب ابراهيم السعدي:كل ما يصير اشي بندين وبنستنكر طيب رد الفعل والتطبيق عالواقع متى؟

الاحتلال مش عامل حساب لحدا المفروض يكون موقف عربي من الدول جميعها مش بس الاردن



وتفاعل عباس انور: يا ريت تفشوا غلنا و تجمدواا العلاقات الدبلوماسيه على أقل تقدير وذلك أضعف الإيمان



أما ميسون النادي:لا اذا عايشين مرتاحين ولا اذا ميتين مرتاحين اقتحامات وين ما كان وبأي وقت والأردن بتدين وبيجي الشعب بقلك شو بتستفيد فلسطين؟ شو بده يطلع بايد الاردن لحالها يعني؟ الموقف يا بكون من الدول كلها يا دولة وحدة ما بتقدر





وفي موضوع آخر كان التفاعل مع الحكم على والد صالح فتى الزرقاء بالحبس عشرين عاماً بتهمة القتل العمد



علق عمر محمود: مش عارف ليش الناس زعلانة، القضية الي عليه قضية قتل عمد يعني كان متعمد القتل مع سبق الاصرار

 والقانون بهاي الحالة لازم يوخذ مجراه، لما صارت القصة مع صالح"فتى الزرقاء" الكل صار بده القانون يتطبق والعدالة توخذ مجراها هسا بس انعكس الآية بطلنا بدنا قانون ولا عدالة،،،

شعب غريب والله ،،،



تقى حسن: مش فاهمة المبدأ؟ مليان ناس بشوارع الاردن ظالمة وقاتلة وزعران واحد زي هيك بنحبس ٢٠ سنة والكل عارف انو كان دفاع عن النفس؟وين الملك عن الي صار والحكم

قليل يلي صار بابنو وبعيلتو عشان ينحبس ابوه هالقد!! 



احمد قال: الحكم حكم بغض النظر عن شو صار مع ابنو بس القتل معروف حكمه وكل واحد اخد حقو خلي الموضوع قانوني مش تعاطف





كانت هذه مجموعة من تعليقات رواد مواقع التواصل الاجتماعي مع الشهيد وليد الشريف والحكم على والد فتى الزرقاء.

radio albalad · الخارجية تدين الاعتداء الاسرائيلي على جثمان وليد الشريف وتفاعل على مواقع التواصل