حادثة طلاب جامعة التكنولوجيا يثير الجدل على مواقع التواصل الاجتماعي بشأن تثبيت التوقيت الصيفي طوال العام إضافة إلى الطرق المتهالكة التي لا تصلحع للاستخدام

علق جهاد : والله حرام هالتوقيت الصيفي الدائم اللي طلابنا بيطلعو من بيوتهم قبل طلوع الضو .. والله لازم يرجع النظام توقيت صيفي وتوقيت شتوي  لمتى رح نضل بحاله رعب واحنا ولادنا قبل طلوع الضو بدهم يطلعو للمدارس بهيك اجواء وعتمه

علي الزغول علق : وين اصحاب القرار ولا مابصلو الفجر ومابعرفو الموظف او الطالب اي ساعه بطلع من بيته  والحوادث وشارع الاردن والشارع من جرش لعمان بدون اناره بدها شوية حس في المسؤوليه خافو ربنا

واضافت ميس الزيود : بالنسبه للي قررو تثبيت التوقيت للصيفي ما اتوقع انهم بطلعو ع دوامهم مثل الي بطلعمن اربد او جرش لو الزرقاء او اي محافظه بعيده ...

واضاف صدام المحارمة : شو بتتوقع من توقيت الساعه 8 بتطلع الشمس 
وين احنا بالقطب الجنوبي

وقالت ناهد الجلامنة : احنا هيك لما تصير مصيبة بنصحى، كل شتوية الا ما يصير هيك حادث ويروح ضحيته 5 ولا 6 اشخاص واحيانا اكثر 
لا حول ولا قوه الا بالله العلي العظيم

رولا عبد الله عمر اضافت: القضية ليست فقط التوقيت
الطرق، سرعة السائقين وتهورهم أيضا
سائقي باصات حكاية إلا قلة قليييلة بجيبوا الطريق من عمان للجامعة ب45 دقيقة وسرعة مخيييفة

نشرت اهل الهمة: حادث مأساوي أنهى حياة زملائنا الطلبة من جامعة التكنو اليوم، أنهى طموحاتهم وقصصهم وآملاهم

هو قضاء الله وقدره.. ولا اعتراض على حكمه سبحانه وتعالى

لكن، ألم يحن الوقت لينظر المسؤولون عن موعد شروق الشمس (7:30 صباحََا) وظلمة الطريق على الطلبة!

ألا يجب محاسبة كل المتسببين في هذا الحادث الأليم!

رحم الله زملاءنا وتقبلهم في عليين، إنّا لله وإنّا إليه راجعون

ونختتم بتعليق ليلى محمد : بدك ناس تسمع وتفهم انه الإنسان اغلا من المادة

كان هذا ما تداوله رواد المواقع الاجتماعية اليوم في أمان الله.