انتشر فيديو عبر مواقع التواصل الاجتماعي يوثق الكمية التي حصل عليها المواطن فواز الهروط من الكاز مقابل 10 دنانير. 

ونشير بالذكر إلى أن الحكومة رفعت سعر مادة الكاز ليصل سعر التنكة إلى ١٧ دينارا.

وتفاعل رواد مواقع التواصل الاجتماعي مع هذا الفيديو بغضب واستياء شديدين. 

النائب محمد جميل الظهراوي ينشر صورة لجالون الكاز ويكتب عبر صفحته على فيسبوك "بعشر دنانير يا ابو حكومة هذه مادة الكاز !!!!!

(كازك ياوطن )" 

ومواطن أردني ينشر ذات الصورة ويعلق "صديقي العزيز فواز الهروط راح على الكازيه اليوم ...وعبا هالجركن ب 10 دنانير....يا دوب نص القلن...معقول هاذ هو الإصلاح الاقتصادي و لجانه... معقول الاحزاب لو انضم الها بدفونا ..معقول هاذ اجمل ايامنا ?,يا رب من شق علينا ..اشقق عليه ☝️).

ومحمد الرواشدة  "الكاز مربوط مع الديزل سعرو من الصيف و همه يرفعوا فيه و لسى" 

واسلام بن خالد يقول "انا عبيت مبارح ٩ ليتر ب ١٠ دنانير .

مبروك ع الشعب اللي هاي الشتويه رح يتخوزق ع المزبوط"

وعثمان ربيحات يتساءل "هذا اللي كنت اعبيه قبل سنه ب ٩ دنانير

حسبي الله ونعم الوكيل !!"

رشا عوض تعلق باستياء " السنه رح نحرق كتب ندفا عليها"

مروان شاهين " انها السبع العجاف فاللهم اشقق عليهم كم شقوا علينا ."

ونختمها مع تعليق محمد الخريسات " كل 3ايام بدك ب 10دنانير  يعني 100دينار شهري 

بوجه هالمعادله للحكومه 

شو رأيكو"

كان هذا أبرز ما تداوله وتفاعل معه رواد مواقع التواصل الاجتماعي اليوم

Radio Al-Balad 92.5 راديو البلد · جالون كاز يثير غضب رواد مواقع التواصل .. فما قصته