تفاعل رواد مواقع التواصل الاجتماعي مع تسهيل إجراءات عبور ودخول 233 أردنياً على المعابر الحدودية الأوكرانية ووصول عشرة أردنيين قادمين من أوكرانيا ..

كتب بركات: الحمد الله على سلامتكو اولا

وثانيا لا تفكرو هون امان هون الحرب على لقمة عيشك أصعب من حرب روسيا

وعلق معتز الداوود: كلام غير صحيح الناس بتقعد يومين على الحدود، غير اذا هاض بنظركو تسهيل !

وتفاعلت رنيم غنيمات: انداري الله يعين الحكومة شو بدها تعمل لتعمل وتجيب الاردنيين من اوكرانيا وحالتهم حالة وهاد وضع كل البلاد مش الاردن بس والله الوضع عليهم صعب الله يجيب الباقي سالمين

وفي موضوع اخر تفاعل نشطاء السوشال ميديا مع موضوع حوادث السير بواقع 8 وفيات منذ بداية الأسبوع ..

كتبت ايمان الشيحان: الناس مع فلتان نظام السير مبطلة تخاف الله ..من يوم ما اقتصر عمل شرطي السير على مخالفات الوقوف بطلوا يتقيدوا بشيء وبالعكس بمجاهرة أيضا ..الشوارع صارت مقرفة ميادين لاستعراض الشجاعة الغبية والرجولة الفارغة..وشرطي السير معطي ظهر بس بيسجل مخالفات للسيارات الواقفة...

وعلقت منال الموسى: حوادث الاردن  كثرانة ولازم حل او اجراءات جديدة مش معقول كل يوم صرنا نسمع حدا متوفي بحادث سير والله الموضوع بخوف

ونختمها مع احمد الزغول: لا شوارع مهيأة ولا بنية تحتية صح واذا طلعت على مطب بوصلك لروسيا من كثر ما هو كبير والناس اصلا مبطلة تعرف تسوق ولا اي اهتمام لأولوية ولا غيرو والبقاء للأقوى فطبعا راح تصير حوادث بشكل جنوني انداري الله يرحمهم

كانت هذه مجموعة من تعليقات رواد مواقع التواصل الاجتماعي مع وصول اردنيين من اوكرانيا وحوادث السير

radio albalad · تفاعل على منصات التواصل بعد تسجيل 8 وفيات بحوادث السير من بداية لاسبوع