02/22/2022 - 14:18

أثارت تصريحات رئيس الوزراء بشر الخصاونة رواد مواقع التواصل الاجتماعي، والذي قال فيها إن الأردن ومصر وقيادتهما يتم استهدافهم من قوى الشرّ المؤدلجة بالسوداويَّة على خلفية تمسُّكهم بمواقفهما الثابتة تجاه القضايا الوطنيَّة والقوميَّة.

كتب أحمد الشبول:حدا يترجملنا مؤدلجة بالله ونعرف شو المواقف الثابتة تجاه القضايا الوطنية الي من الف سنة نسولف عنها

وعلقت اليانا عساف:يا خصاونة احكي معنا بلغة بسيطة يفهمها المواطن بعدين شو مؤدلجة شو عاملين احنا عشان يستهدفونا؟

اما محمود غزازوة: والله ياصديقي بطلنا نعرف هي المواقف ثابته والا احنا المتحركين......ياحسره ايش الثابت والله ماضل ضل شيء ثابت باعو الطاقيه حتي

وتفاعلت ريما العزام: الله لا يسامح قوى الشر المؤدلجة اللي بتستهدف مسيرة الإنجازات نلقاها منكو ولا من كورونا

وغرد مراد حمد: هذاك اليوم قالوا عشرة الاف حساب وهمي في وسائط التواصل الاجتماعي .. وقبلها قالوا ديدان الارض والشرذمات التأزيمية .. واليوم قوى الشرّ المؤدلجة بالسوداويَّة … والله يستر من الجاي.

ونختمها مع محمد الزيود:عدم المؤاخذة بس اي مواقف ثابتة متمسكين فيهن احنا ومصر؟فش مواقف بين العرب كلهم مش من هسا من الف سنة وحياتك

كانت هذه مجموعة من تعليقات رواد مواقع التواصل الاجتماعي مع وسم قوى الشر المؤدلجة.