انتشر أمس مقطع فيديو لرئيس الوزراء بشر الخصاونة خلال الجلسة النيابية تحدث فيها عن انه سيقطع دابر الفساد وجثه من جذوره! في حوار دار مع النواب عن المفسدين وطلب منهم تسليم الأسماء للتعامل معها بصورة مباشرة وسريعة من خلال أجهزة المكافحة في الدولة.

ما أثار تفاعل رواد مواقع التواصل الإجتماعي مع هذا الخبر ف أم ضياء الفلحات علقت"هينا بنستنا من زمااان ... والله بدها من الجذور والاعماق كمان

قول بسم الله".

ومحمد الكعابنة"اذا لقيت فساد اجتثه  ... قال فساد قال

هو عنا فساد؟؟"

وحامد المعايطة"فات الأوان دولتك الغلاء الفاحش والفساد تغلغل

في بلدنا وأنتم من السبب... العوض في عين الكريم".

وعدنان عبدالواحد"يمكن قصده الشعب"

ومجدي البحري" كفووو أبو الخصاونة واجتثه من اي مكان بدك اياه".

ومحمد عبيدات" هاد الميدان يا حميدان نظف ياعموه"

وبهاء صالح " فريق الرعد بده يهدف خلص".

وأبو الوفا "شو القصة كنت نايم وهسا صحيت شو في".

ومحمود زيد" ان شاء الله اذا بدك نقطع الفساد نعمل زي محمد مهاتير نقطة وسطر جديد".

ومحمد عبابنة" كلامك صح ولا مشان التسويق الي كان قبلك قالوا نفس الكلام الفساط سوسة ونخرت البلد مافي حل".

ونختمها بناصر أمين" اقطع ياخوي اقطع ... الحكي ماعليه جمرك"

كان هذا أبرز ما تداوله رواد مواقع التواصل الإجتماعي الأردني اليوم.

Radio Al-Balad 92.5 راديو البلد · تفاعل رواد مواقع التواصل مع تعهدات بشر الخصاونة "بقطع دابر الفساد"