04/24/2022 - 15:45

تفاعل رواد مواقع التواصل الاجتماعي مع تعطيل بعض المدارس والجامعات وتحويل الدراسة الى التعلم عن بعد اليوم الأحد وذلك لسوء الأحوال الجوية السائدة.

كتب عبد الرحمن المومني: من أجل العداله والرحمة يجب على وزارة التربية والتعليم بتعطيل جميع مدارس المملكه لأن معظم أبناءنا يعانون من تحسس كبير وبعينكوا الله على عطلة يوم مثل ما عطلنا سنتين وراء بعض

وعلقت هالة العياش: اعلان العطلة بهيك يوم فعليا اهم من ايام المطر لانه معظم الناس عندها تحسس وربو

أما اليانا:انتو ما بتكونو عارفين انه هيك الجو راح يكون وبتنصدمو فيه مثلاً؟ مهي الارصاد الها اسبوع بتحكي عن الجو كان اعلنتو العطلة بموعد قبل لحتى كل الاهالي والطلاب يشوفو مش وهمه نايمين

وتفاعل نايف زريقات:اول مرة بتوخدو قرار صح لانو الغبرة دخلت للبيوت مش بس للشوارع بس لو الله هداكم وعطلتو الجميع لانه الغبرة بكل مكان مش بمنطقة محددة

واضاف خالد:قرار سليم واعلان يوم عطلة هيك اهم من ايام الثلوج

ولكن مشان الله اعلنو العطلة بموعد ابكر من تالي الليل

ونختمها مع هيفاء النجار:لازم عطلتو المدارس كلها والجامعات كلها وحتى الناس الي بتشتغل لانو راح يصير حوادث من تدني الرؤية وفوق هاد الله يعين الي عندهم حساسية من هيك اجواء