بعد تسجيل أول إصابة جدري القردة في الأردن لمقيم من جنسية غير أردنية

لقي ذلك الخبر تفاعلا كبيرا على مواقع التواصل الاجتماعي

فعلقت عبير: فاوتشي لما صرح قبل شهر خطة الطوارئ اللي مشي عليها ما الها اي أساس علمي ولا اي منطق .. هلا عادي ببدوا مرة تانية ويبدو خطة جديدة ما فيها اي منطق وكلها ظلم.

وقال فادي: اهم اشي الوعي .. إذا حافظتوا عليه ما رح يقدروا ينشروا هاد المرض أو غيره 
لا تتساقوا للأخبار!

ونشرت ميرفت التميمي: الجزء الثاني من كورونا .. مرحلة تحضير الشعب نفسيا وجس نبض الشارع.

وأضافت براءة: والله لو شو ما رح اخد مطعوم بكفي مطعوم كورونا لهسا بعاني من آثاره جانبية.

وعلقت ليان روابدة: وانا بحكي مال الكل بشكي من نقص الكتب في المدارس اتارييهم بطبخولنا طبخة اونلاين مرتبه

وقالت ابتسام المومني: ضلينا نتمسخر على كورونا حتى انتشر  للاسف لسى في ناس بتحكي ما في شي اسمه كورونا هلا مسخره جديده من الشعب..؟....

ونشرت سرى العتوم: مكبرين الموضوع نفس اعراض جدري الماء وصار معي وانا كبيرة مش صغيرة احتاج ابرتين مسكن ومعدي  وفيه حكة وحبوب  بس والاعراض بدها اسبوعين وبتختفي يعني ما بموت ولا بستاهل كل هالضجيج العالمي

كان هذا أبرز ما تداوله رواد مواقع التواصل الاجتماعي لهذا اليوم.