فيديو انتشر على مواقع التواصل يظهر أعدادًا كبيرة من المواطنيين يصطفون في انتظار الحصول على وجبات شاورما تثير جدل واسع بين رواد مواقع التواصل...

نبدأها مع دانا قاقيش "مشهد يعكس مستوى الثقافة وغياب الوعي الاستهلاكي والظروف الاقتصادية الصعبة. بالمناسبة في ناس وقفت بالدور وكان العرض لأول ٢٠٠ طلب وللأسف ماوضح المطعم هالشي وفي ناس روحت بعد ما وقفت عالدور بدون ما يشتروا. بس مش متخيل واحد يوقف طابور ساعتين عشان "شاورما"!"

غزلان راشد "يا حرام شو شعبنا مسخم"

ابراهيم المجالي "ترى الأزمة كونه الوقت محدود 

الكل بده الطلب ع وقت الإفطار هاي هي الفكرة بس"

وفاء البستنجي علقت ساخرة "آخر واحد بالطابور بفطر عليها بكرة ?"

اسماعيل الرواشدة "اليوم مثلا كنت شارع المدينة رايح لشارع الجامعه من السابع واقف ولما وصلت حد المطعم المذكور فتحت الطريق حسبي الله بس 

٤٥ دقيقه لاوصل دوار الواحة من السابع عشان عرض شاورما ‼️‼️‼️"

حسن القرالة "ياعيب العيب،والله لو اني ميت من الجوع ما بوقف هذا الموقف."

تيسير التعمر "مشكلة لما يكون شخص ما بتفرق معه ال ١٠ دنانير ولا حتى ١٠٠ دينار ..و بنتقد ناس  بتفرق معهم ١٠ و بتهمهم بتدني الثقافة و غياب الوعي عشان وقفوا بطابور ليشتري وجبة!! 

وناسي انه في ناس بتشتغل وبتوقف ساعات تحت الشمس عشان بس يطلع ١٠ دنانير يروح فيهن على بيته

والله احنا بنحيّر اللي عمره ما احتار..."

ونختمها مع ايهاب الزغول وين رئيس الوزراء من هيك مشاهد يشوف حال الشعب لوين وصل

كان هذا أبرز ما تفاعل معه رواد مواقع التواصل لهذا اليوم