الحالة الجوية تعود لتتصدر مواقع التواصل الإجتماعي بعد المنخفض الجوي الذي عاد ليؤثر على المملكة منذ الثلاثاء.. وما صحبه من قرار تعليق دوام بعض المدارس اليوم الخميس.

إذ قررت وزارة التربية والتعليم، الخميس، تعطيل دوام المدارس الفترة المسائية في المدارس الحكومية في المملكة فيما قرر مديريوا التربية في محافظات الجنوب تعليق دوام المدارس ككل وفي السلط تعليقه وتحويله عن بعد.

القرار جاء متأخرا ما أثار تفاعل رواد مواقع التواصل الإجتماعي عليه.. 

ف أبو قصي الفقهاء كتب "الناس داومو في مادبا روحووو بدري من وراء تعنت مدير تربية مادبا ليش خليتهم يداومو اذا بدك تروحهم بدري".

وعلي الصرفندي "نص الطلاب شكلهم معطلين بدون اي قرار متاخر".

أما مجد عبيدات تساءلت "لويش متاخرين بالقرار عطلنا صباحي ومسائي القرار من نفسنا".

وآلاء النداف "وصلنا المدرسة بعدها علقو الدوام 

شو هالقرارات الجميلة ?".

وعدي بطاينة كتب "نفسي افهم هالفشل يلي بتعاني منه وزارتنا الحكومية فيش قرار يتخذ بشكل صح اشي بخزي

كل هل تخبيص بس عشان المعلم ما يعطل لأنو العاقل من الأهالي بعطل أولاده بهيك أجواء".

وإسراء حمزة"بعد ما داومنا !

ما راحت الا ع المعلمات .. 

حسبي الله ونعم الوكيل !".

ونرجس العمري "بسبب الأحوال الجوية لعاد... واللي داوموا الصباحي كانت الدنيا شمس مثلاً... مش عارفه كيف بتفكروا".

ونختمها بتعليق سامي الزيادي" بعد ما وصلنا الدوام أنا بالنسبة الي مش مروح الا على نهاية الدوام".

كان هذا أبرز ما تداوله وتفاعل معه رواد مواقع التواصل الإجتماعي الأردني اليوم.

Radio Al-Balad 92.5 راديو البلد · تأخير قرار التربية في تعطيل طلبة المدارس حديث مواقع التواصل