ما زال التفاعل حول قضية وفاة سلسبيل أبو شوك مستمر خاصةً بعد ظهور تقرير الطب الشرعي والذي يُظهر أن سبب الوفاة يعود إلى هبوط حاد بعمل القلب الناتج عن نقص التروية، وأنها كانت تعاني من تشوه خلقي في الشريان التاجي. 

وقال مدير المركز الوطني للطب الشرعي أنه خلال تشريح الجثة تبين وجود بقعة داكنة في عضلة القلب خصوصا في البطين الأيمن.

هذا الحدث اثار تفاعل رواد مواقع التواصل الاجتماعي مطالبين بمحاسبة المسؤولين عن الحادثة..

نبدأ مع رهف: محلاكو وانتو حاكيين غير هيك بتكذبوا لترقّعوا عملتكم الله يرحمها ويصبر اهلها وحسبي الله ع كل مُقصر  

وكتبت نوال: الله يرحمها ويصبر أهلها.. بعد ٤٠ دقيقه تم اسعافها حسب تصريح صديقاتها..بيكفي إهمال وتزوير للحقائق

اما احمد فعلق: الله يرحمها يا جماعة قضاء وقدر انتهى عمرها ليش تضلكم تحكو انو اهمال واهمال في اشي اسمه انتهاء العمر

بينما كتبت هبة:خليكم الفو قصص وحكايات عشان تشيلو اللوم عن المسؤلين

المشرفات لازم يتحاسبو على هيك اهمال انت اصلا كيف بتشوف حالة هيك وبتهمل فيها 

يلا زي باقي الي ماتو ولا راح يتحاسب حدا

عامر قال:كل الحق عالمستشفى لانو كيف بطلعها منو وهي لسا وضعها مش مستقر الحق عالمستشفى بس لانو يمكن المشرفات فكروها بتمزح او ما توقعو يوصل الموضوع للموت لا تحطو بذمتكم

ونختمها مع راضي: عميد الجامعه ومشرفة السكن ومستشفى معان والدكتور المناوب بالمستشفى وتبعين 6 دقائق كلهم مذنبين ولازم الاهل معطيين خبر للجامعه ومشرفة السكن ومعها دائما  نوع من انواع  التباخير التي تسعدها على التنفس في سكنها وشنطتها  والله يرحمها ويحسن اليها كانت مظلومه والله اعلم

كانت هذه مجموعة من تعليقات رواد مواقع التواصل الاجتماعي مع وفاة سلسبيل ابو شوك.