توقع مختصون في شؤون الطاقة انخفاض أسعار المشتقات النفطية في تسعيرة شهر نيسان بنسب تتراوح  من 1 إلى 1.5 بالمئة، بينما رجح الخبير الاقتصادي عامر الشوبكي في حديث مع راديو البلد انخفاض أسعار المحروقات بواقع ٢-٣ قروش. 

هذا الحدث أثار تفاعل وغضب واسع بين رواد مواقع التواصل 

محمد عبيدات "يقول ما شاء الله كل هالنزول وبقلك تخفيض طفيف وبعدين وقت ما بدهم يرفعو الاسعار بصير خام برنت مدخل اساسي في التسعيرة الجديدة وعند الانخفاض بصير مؤشر فقط وليس مدخل افرح فانت في المزرعة السعيدة"

مجد أسامة" في تطور وتقدم عند حكومتنا بدل ما يكون اللتر 94.5

بصير بـ 94.0 هيك بكون نزلو البنيزن عشان بنهاية الشهر الي بعده ع العيد بردو يرفعوه وبصير 99.0

يعني عنجد شغل نظيف نظيف نظيف"

عمر عايد المساعيد "شكلها الايام الجميله اجت ما حدا معترف بتعريفه غير حكومتنا الرشيده 

طيب خلوها قرش"

محمد الحدادي "لشو البعزقة سيد راسي كثير 1%"

عزام محمد العمرو 

"الله لايسامحهم مو سعر برنت اله اكثر من ٢٠ يوم يتراوح ٧٣ دولار"

محمد عزت "تراجعت الاسعار ١١% وبدكم تخفضوه ٦ فلسفات شو هالصراحة بهبش الفلوس"

فادي المصري "تخويث على الشعب النفط عالميا نازل لادنى مستوى وجماعتنا بدهم ينزلوا البنزين ست فلسات والمفروض ست قروش"

أحمد الشاتي "الله لا يخلف عليهم يرفعوا بالقروش وينزلوا فلس فلسين يكيف الشعب المسكين وبعد شهر يرفعوا أضعاف بالقروش هذا الانخفاض مؤشر لرفعة رح تشل حركة المواطنين الله يشل حركتكم لو عنا شعب واعي يربي الحكومة بسياسة المقاطعة ما تتمادى الحكومة بالشكل هذا."

كان هذا أبرز ما تفاعل معه رواد مواقع التواصل لهذا اليوم.

Radio Al-Balad 92.5 راديو البلد · انخفاض أسعار المشتقات النفطية يعود ليتصدر حديث مواقع التواصل