تصدر #صوت_المطر تريند على تويتر بعد دخول المنخفض الجوي صباح اليوم

ودعت المديرية العامة للدفاع المدني إلى الابتعاد عن جوانب الأودية وأماكن تشكل السيول، والابتعاد عن مواقع التجمعات المائية تجنبا لخطر السقوط فيها.

وتفاعل رواد مواقع التواصل الاجتماعي مع اخر مستجدات المنخفض بشكل واسع فأبو محمد يعلق "معلش مهو اول منخفض بيجي عنا عمرنا ما شفنا منخفض ياحرام" 

وحازم يكتب "الله يجيب الخير...كلها غيمه مارقه منيح احنا مو بل الموسكو 

???" 

وسهل يقول "هلكتونا المنخفض الجوي غير يلف ويرجع قد ما نقيتو عليه وهو بكون احسن" 

وأبو محمد المقابلة "الحمد لله على كل حال  بس انا شافيه منخفض عادي وضعيف."

وام عمار الحناتله تعلق "والله من كثر ما بتحطو اسامي للمنخفضات ما رح نشوف شي"

وانس النجار" احنا الشمس طالعة من الليلة بمادبا"

وعلي ابو صفية بفكاهة يكتب" هي العدس جاهز"

ومن جانب آخر تفاعل رواد مواقع التواصل الاجتماعي مع الإصدار الخامس لفئة الدينار بشكل فكاهي.

وينوه بالذكر أنه استبدل علم الثورة بصورة للعصفور الوردي السينائي  وهو الطائر الوطني الاردني

فأم علاء الزيود تكتب"معقول صورة الطائر ترمز للطائر الي قطع الكهرباااا عن الاردن? "

كرم الزعبي يعلق لما" تعبي  ب الدينار الجديد كاز رح تلاحظ

1.  بركة بالكازات

2. رح تحس الصوبة صارت هايبرد". 

صهيب البوريني " حاطين عليه عصفور

انا بعرف العملة بنحط عليها رموز البلد اشي اله علاقه بتراث البلد اما عصفور؟!

بجوز مشان الدينار بطير بسرعة من جيبة الواحد" 

ولانا عمر تتساءل" شو الهدف من تغير الدينار الاردني"

ونختمها مع تعليق ولاء العميري" هي الليرات طايره بدون عصافير ???مع العصافير الوضع غير"

كان هذا أبرز ما تداوله وتفاعل معه رواد مواقع التواصل الاجتماعي اليوم.

Radio Al-Balad 92.5 راديو البلد · الطائر على الدينار الجديد يثير تفاعل رواد مواقع التواصل