تفاعل رواد مواقع التواصل الاجتماعي مع إحياء ذكرى النكبة الفلسطينية والذي يصادف 15 أيار من كل عام تحت هاشتاج #النكبة 74.

كتبت رجاء العليوة: لحد هاللحظة بصير في تهجير قسري لعشرات الاشخاص داخل فلسطين وعائلات بدون بيت بدون مأوى دون اي مقومات حياة وما زلنا ننتظر رد فعل عاللي بصير!!

ابو المجد غرد: وجودنا كل يوم يذكركم أن الحقوق لا تسقط بالتقادم.

وتفاعل عمر زهير: ٧٤ سنة على النكبة كم جيل وجيل راح وهو بستنى ترجع فلسطين ويشوفها محررة وحتى اللاجئين الموجودين بالشتات متخيل شو يعني مخيمات متخيل كم شخص فلسطيني موجود بدون رقم وطني

هيا حسام أضافت: تعبنا واحنا بنحكي عن حقوق الانسان ومن ابسط حقوقه يكون عنده وطن يعيش فيه وبيت وأمان

نص الشعب الفلسطيني مهجر من ورا سرقة بلادهم وحتى الي عايش بالداخل مش مرتاح لا وهو عايش ولا وهو ميت

شادي بني عبدة قال: النكبة مش يوم بس

كل يوم فلسطين بتعاني من اعتقالات وشهدا واعتداءات همجية! والاحتلال بمارس وحشيته على كامل فلسطين

بفكرو حالهم راح يطمسو الهوية الفلسطينية هيك

ونختمها مع هبة: القصة الإنسانية الأكثر مأساوية على الإطلاق، قصة مملوءة بالدم والألم

القصة الأكثر تراجيدية على مر التاريخ، حيث المذابح والتقتيل والاعتقالات اليومية، قصة كان البطل الفلسطيني شاهداً على تذبيح أبناءه وتدمير ممتلكاته وسلبها منه وتهجيره ٧٤ عاماً والفلسطيني لم ينسى وطنه.

كانت هذه مجموعة من تعليقات رواد مواقع التواصل الاجتماعي مع ذكرى النكبة الفلسطينية.

radio albalad · الذكرى الـ 74 للنكبة وتفاعل كبير على مواقع التواصل