تفاعل رواد مواقع التواصل الاجتماعي مع تصريح رئيس الوزراء بشر الخصاونة أن أسعار المواد الأساسية في الأردن أقل من دول الجوار باستثناء دولة واحدة والأردن لديه مخزون استراتيجي آمن من السلع والمواد الغذائية

كتب علي النجار: هو الحمدلله فعلا المخزون كافي وحسن من غيرنا وفعلا دول كتيرة بتعاني نقص المواد وحتى الاساسيات. لكن الاسعار نااااااااار الله يكون بعون الناس

وعلق ملكاوي: يا ترى الرواتب بالاردن مثل رواتب بالدول الجوار

عندهم ضريبة مقطوعة على المحروقات أكثر من ثمن التنكه مثل عنا

 وجوعوا الشعب مثلنا

ام رفيف قالت: الدول الخليجية فيها مصاري ورواتبهم عالية مش زينا بتعطونا مصروف جيب يدوب يكفي فواتير وباقي الشهر بنعيش بالديون

اما ناصر خالد: بدي اقوول فعلا احنا شعب يتدلل ويتغنوج كثير هي الحكومة دايرة بالها علينا صح واحنا كل الحق علينا

راما المجلّي: اعطيني نصف رواتب موظفي السعودية وارفع جميع المواد الأساسية والغير أساسية

ونختمها مع ميسرة زياد: نوخد الجانب المنيح انه احنا عنا مخزون بكفي رغم الحرب فهاد اشي منيح بغض النظر عن الاسعار وحكو اصلا انو ارتفاع مؤقت

كانت هذه مجموعة من تعليقات رواد مواقع التواصل الاجتماعي مع تصريح رئيس الوزراء، والذي قال فيه إن أسعار المواد الأساسية في الأردن أقل من دول الجوار باستثناء دولة واحدة. 

radio albalad · الخصاونة : أسعار المواد الأساسية في الأردن أقل من دول الجوار ...وجدل عل مواقع التواصل