وسم الحرية لأنس الجمل يتصدر منصة بسبب استمرار اعتقاله بعد أن وُجهت له تهمة تعكير صفو العلاقات مع دولة صديقة بحسب عضو هيئة الدفاع عن المعتقلين مالك أبو عرابي.

كتب عامر ال خطاب: والمشكلة لما ينسب علينا من بره بتصير حرية رأي ولما واحد فينا يبدي رأيه بأي دولة بتتحول بقدرة قادر لتعكير صفو علاقات !!

طيب حكومتنا ما بتعرف انه هيك تصرفات وأحكام عرفية ممكن تعكر صفو العلاقات بين الدولة والشعب فوق ما هي معكره !!

بعدين ممكن سؤال بسيط، شو هاي العلاقات اللي بين دول بحكوماتها ومؤسساتها وقيادتها واللي ممكن تتعكر بسبب رأي شخص على الفيسبوك !!

أما محمود العزة: فش واحد بالأردن بتوقف الا بكون فعلا مخطئ او معتدي على الدولة من البداية ما كان في داعي للاحتجاجات ووابداء الرأي بهيك قصص

وعلقت حلا سلامة: قد ما بتعتقلو هالشب ما في غيره بالبلد ؟ يا هو جد عامل هيزعية بالبلد يا اما احنا مش لاقين غيرو رايحين جايين نعتقلو

محمد الشوبكي قال : بضع كلمات يقولها او يكتبها مواطن بسيط تعكر صفو العلاقات !!!

اي علاقات هذه التي يعكرها شخص عادي لا يملك اي سلطه او قرار !!!؟؟؟

وأضاف مصطفى: أنس هذا الإنسان البسيط سيعكر صفو العلاقات مع العالم  باكم بوست على فيسبوك تجد مثل هذه البوستات عشرات بل ومئات الالوف على تويتر وفيسبوك... اعتقد انه أنس له ثقل دولي ووزن اقليمي كبير ليعكر صفو علاقات حكومات ودول...!!

ونختمها مع راما العزام:طيب ما احنا بلد ديمقراطي المفروض عشان كم بوست الو صار تهمة تعكير صفو علاقات؟ ماشي وقفوه يومين ثلاث اسبوع بس مش هيك تهمة

كانت هذه مجموعة من تعليقات رواد مواقع التواصل الاجتماعي مع وسم الحرية لانس الجمل

radio albalad · وسم الحرية لأنس الجمل يتصدر تويتر ...استمع