تفاعل رواد مواقع التواصل الاجتماعي مع قرار وزارة الصحة  الذي يقضي بتطعيم الأطفال ما بين ٥ الى ١١ سنة،فيما استهجنه البعض ويرى  أنها وسيلة تطعيم إجبارية 

كتبت اسيل: ابدا لا يجوز … مو من حق اي شخص اجبار الاخرين على اخذ المطعوم …

وعلق عمر: ترا منتو صاحين أقسم بالله 

اذا الكبار ما بتحملو وبمرضو لما ياخذو المطعوم 

بدكم الصغار انتو ناوين تقضو علينا 

نفسي تتطلعو بقرار هيك يكون فيه مصلحه لشعب 

وربي بتلاخمو ملاخمه 

حسبي الله ونعم الوكيل بسسس

أما أسماء علقت؛ قرار مُستهجن ومُستغرب ومرفوض ، خاصةً وأن المرض يزداد ضعفاً، وأعراضه خفيفة جدا ولا تُذكر، ولا يُشكل اي خطر عليهم، فلماذا تريدون استهدافهم بهذا الطُعم التجريبي!

محمود قال: خلي المطعوم الك ولولادك واحفادك.... ولادنا مش حقل تجارب.... بكفي جربنا على حالنا.... واصلا الفيروس بيضعف وبيتحور والمطاعيم ما بتجاوب مع المتحور ليش بدكم لسه اتطعموهم!

وتفاعلت اسراء: قرار فاشل بكل المقاييس...

بالنسبه الي لو بصير شرط لدخول بناتي المدارس ما رح اعطيهم المطعوم..

خلص بكفي زهقنا  قرارت...

ومن المفترض أن لا يكون اللقاح إجباريا لأي فئة كانت

لانه بالنهاية كل فرد له حرية الاختيار بذلك إذ انه وكم من أشخاص اخذت الجرعتين للمطعوم واصيبوا  بكورونا ووصلوا إلى مراحل سيئة... اذا ما الغاية من إعطاء اللقاح وجعله إجباريا بمختلف الفئات العمريه؟

هذا سؤال يحب أن يقف عليه العديد من الناس..

وبكفي استهبال بالعالم..

ونختمها مع جمال: احنا الاهالي اللي بنقرر ...واذا عشان وسيلة ضغط عشان التدريس بدناش التدريس خليهم قاعدين احسن من نظام التناوب والدوام عن بعد كله فاشل

كانت هذه مجموعة من تعليقات رواد مواقع التواصل الاجتماعي مع تطعيم الاطفال

radio albalad · البعض استهجنه ويرى انه وسيلة تطعيم اجبارية ... أبرز ما تداوله رواد مواقع التواصل حول تطعيم الاطفال