عهد النواجي 

ما زال الحديث حول الجرائم مستمر بعد القيام بـجرائم بشعة أثارت اشمئزاز الشارع الأردني بعد أن أقدمت أم على قتل طفلتها حديثة الولادة خنقاً وإخفاء جثة الطفلة في الثلاجة بالتعاون مع شقيقتاها وقدوم شاب على طعن والده ومحاولة حرقه بسبب خلافات عائلية

ريهام فريحات قالت: حسبي الله كيف أجا قلب تقتل ضناها في ناس محرومة من الأطفال ونفسها تشوفهم وهي بتروح تقتل بنتها كيف أجاها قلب تعمل هيك هاي حرام ينحكالها أم

نبدأ مع ريما كشت: مش الاغلبية بتطالب بالعفو العام؟

مش الدولة الي "بتخلي سبيل" اصحاب الاسبقيات من الزعران الي برجعوا بكرروا الجرائم ؟

مش النواب والمسؤولين الي بتواسطوا للمجرمين؟

مش انتو الي بتقبلوا العطوات والجاهات وبتضيعوا حق الناس بفنجان قهوة؟؟

مش انتو الي انبسطتوا على عقوبة الصلاة بدل الحساب لصاحب قيود مكررة؟؟

طبعا بدكم تشوفوا وتسمعوا عن جرائم القتل والسرقة والبلطجة والاعتداء كل يوم … شو بتتوقعو

فرح عدنان:شو القصه صرنا نخربط عن اي جريمه بتحكو وكأنو الشاطر اللي بيبهرنا بجريمته

بينما علقت ريما القدومي: الأردن كلها صارت زي البلاد يلي بينقتل شخص ومافي اهتمام الكل صار يقتل التاني ومافي اجراءات بحق القاتل

القاتل يقتل لو إنكم بتحققو لازم الشخص شنق او قصاص ماكان صارت جرائم والبلد خربت

وكتبت تيما: شو الي يصير معقول هاي بلد الأمن الامان. وين الامان مادام الاهل بقتلوا بعض

هاي آخ الفقر والظلم حتى المواطن اصبح بلا احساس

ملاك علي الدعجة قالت: احنا اخر حياتنا راح نموت حالنا خوفا من انو غيرنا يقتلنا شو هاد دخيلك الله

وعلقت سناء عبد الله ساخرة:ضروري الحكومه تطلعلنا طيارة ترش الأردن  بماء مقروء عليه

كانت هذه مجموعة من تعليقات رواد مواقع التواصل الاجتماعي مع جريمة قتل ام لطفلتها وطعن شاب لوالده.

radio albalad · استمرار التفاعل حول الجرائم التي حدثت أخيرا في اربد والبلقاء