رواد مواقع التواصل الاجتماعي تفاعلوا مع توجيه الملك خطابًا للأردنيين بمناسبة عيد الاستقلال الـسادس والسبعين، مطالبين بتحسين الأوضاع المعيشية بينما هنأ آخرون بهذه المناسبة.

كتب احمد حمدان: الوضع المعيشي تحت الصفر يا سيدي والراتب بطير  باسرع من الصاروخ مع الغلاء

والوضع بدو  تعديل للناس كلهم متقاعدين وعاملين

يا ريت يتحسن الوضع مع عيد الاستقلال ويصير في ميزات ورواتب احسن

وعلقت جود ذيابات:كل عام والاردن وسيد البلاد بألف خير رغم صعوبة التحديات الي بنواجهها بس اليوم بنحتفل بعيد الاستقلال ال ٧٦ دمتم ودامت البلاد بخير

أما روبي صافي: عيد استقلال سعيد

الي بحكي شو فايدة خطابات الملك كل سنة واليوم هي دعم نفسي للشعب وتحسيس الشعب انه الملك معنا وحاسس فينا ما بعرف كيف في ناس بتشوف انه الخطاب ما اله داعي بل هو اكثر اهمية من اي شيء بهيك يوم.. كل عام ووطني بخير️

وتفاعل آخرون مع بدء الاستعدادات والتجهيزات في شوارع العاصمة عمان والمدرج الروماني للاحتفال بعيد الاستقلال الـ 76

تفاعل عدي صالح: المصاري اللي حطوها على الاعلام و اللافتات بتكفي لتزبط شوارع الزرقا (مثلا) او اي محافظة ثانية. اللي سكانها بعانوا من عشرات السنين بدون اي أمل

وئام القاضي كتبت: حفظ الله الوطن وقائد الوطن وجيشنا العربي من كل سوء وشر وفتنه 

اجواء جميلة بس تشوف التجهيزات لعيد الاستقلال فعلا اشي بفتح النفس

ونختمها مـع آية: الحكومة اشطر اشي بفعالياتها لعيد الاستقلال والتجهيزات هاي باقي الاشياء ولا الهم دخل فيها.. يلا منيح الي بهتمو لاشي لهالدرجة

كانت هذه مجموعة من تعليقات رواد مواقع التواصل الاجتماعي مع خطاب الملك وتجهيزات عيد الاستقلال.

radio albalad · اردنيون يتفاعلون مع عيد الاستقلال وخطاب الملك