أعلنت "ميتا" الشركة الأم لمنصّتي فيسبوك وإنستغرام، أنها ستزيل من الآن فصاعداً كل منشور يتضمّن كلمة "صهيوني" عندما يكون المقصود بهذا المصطلح الإشارة إلى يهود أو إسرائيليين وينطوي على "كلام يحط من إنسانيّتهم أو يشتمل على أفكار نمطية معادية للسامية"

تفاعل رواد المواقع الاجتماعية مع ذلك

ليث علق : طبيعي مهو الهم وهمه حرين. احنا شعوب مستهلكه فقط ومالنا قرار ولا بنقدر نعترض

خالد اضاف :الجماعة عندهم خطة  استراتيجية وشغالين صح  ،، عرفوا من زمان كيف يفرضوا نفوذهم على جميع القطاعات المالية والسياسية والاعلامية في كثير من دول العالم ،، الخطأ عندنا ليش ما عرفنا نعمل مثلهم ،، ضيعنا قدراتنا واموالنا على النزاعات والامور السطحية

وقالت سهيلا: طبعا لازم تعمل هيك وياريت نصحى من الغيبوبة اللي احنا فيها ونعرف انه الحرب على غزة ليست حرب عاديةو وانما حر ب على الاسلام والمسلمين والعرب بشكل خاص  فعندما يجتمع الكافرين اعرف انه عدوهم واحد بس للاسف لاحياة لمن تنادي وكل واحد اللهم نفسي   مابعرفوا انه اكلت يوم اكل الثور الابيض

ونور الدين علق : بسيطة في مئة الف طريقة للتعبير عن الكلمة انتو خايفين علينا ما نلاقي طريقة جديدة نجرح فيها مشاعرهم هههه

وعلق صلاح : اذا الحكي صحيح ما في داعي للفيس ولا لهيك برامج وخليه تلفون للمكالمات والرسائل وانتهى الموضوع

ونختتم مع ايسر : اما فلسطيني ف اتوقع انه عادي 
محكومين ومضطهدين ما عندكوا من الديموقراطية الا الاشياء يلي بتستخدموها ضد العرب

كان هذا ابرز ما تداوله رواد المواقع اليوم.