01/31/2022 - 14:36

الملك عبد الله الثاني بمناسبة عيد ميلاده الستين يوجّه رسالة للأردنيين تشمل رؤية الملك للمرحلة المقبلة في ظل التحديث السياسي الذي يشهده الأردن

هذا الحدث يتصدر مواقع التواصل الاجتماعي

كتب يوسف: البلد ما بدها لا خطط ولا دراسات الأمور واضحة كنس الفاسدين من البلد ووضع حكومة تخاف الله مخلصة للبلد بتصير البلد احسن دولة بالشرق الأوسط ...

وتفاعل نادر:والله كان عمري ٢٠ سنة بس كنت دايماً اسمع رسالة الملك للاردنين من اصلاح وغيرو وهي عمري ٤٢ وانا قاد بستنى والله يا سيدنا طول ما الفاسدين بنعفو بالبلد وفي فشل ذريع للحكومات المتعاقبة وعنا مكابرة على الأخطاء طول ما الأردن مش بخير ولا حتكون عمرها بخير

وغرّدت إسلام:الرسالة الملكية مليانة أفكار ورؤى ايجابية وتعديلات دستورية تجاه الشباب والمرأة ولكن مع الأسف نفس السيناريو... نفس المشاهد... الهم الوحيد كان ولا زال انهم يكسبون الوقت والمناصب والمكافآت... ومستوى عيش المواطن في انحدار شديد...

وعلق إياد: الناس بدها توكل وبدها شغل لاقولهم فرص عمل جيبو مستثمرين واخلقو فرص عمل وبعدين صلحو زي ما بدكو اما هاي الحكومات تخبط وفقر وبطاله الوضع للاسوء

أما لبنا قالت:يا ريت الحكومات تشتغل بشفافية يا ريت القطاع الصحي يتطور وبكفي نسمع عن هاد مات بالغلط وهداك مات من قطع الكهربا يا ريت القطاع السياحي يصير احسن لو كل مسؤول بسمع رسالتك وفعلاً بعمل فيها بكل شيء كان مش من رسالتك الستين لا كان من اول رسالة الك وضع البلد تحسن وضع البلد هلكان هسا والشعب نذبح من كل شي والله هلكتونا

ونختمها مع محمد: شو دخل الحكومة حسب التعديلات الجديدة كل اشي بايدك سيدنا

كانت هذه مجموعة من تعليقات رواد مواقع التواصل الاجتماعي مع رسالة الملك الستين.