الأردن يسمح بدخول الأوكرانيين دون تأشيرات مسبقة ومنحهم إقامات مؤقتة ضمن إجراءات تحددها الجهات المعنية

 أثار  الحدث مقارنة أوضاع اللاجئين الأوكرانيين بباقي اللاجئين في الأردن وبحسب ما وصفه البعض "ما انت عيونك مش زرقا ومش اشقر"

فكتب عبد الرحمن الكوز:سؤال اثار فضولي يعني هسا الاوكرانيين بدهم يتركو كل بلاد الله الواسعة  والمانيا والنسما وكل الدول الاوروبية  ويجو عالاردن؟ليش شو فيها البلد؟اشي واحد ممتع بهالبلد بس؟غير سمات البدن ورفع الأسعار

 وعلق علي عواد:عشانهم شقر وعيونهم ملونة ف بدون تاشيرة؟؟والله قرارت يا حكومة

بس يلا بتحسنو هالنسل عقبال تحسين الدخل

أما هبة العناتي:تركنا الحرب واللاجئين والي بعيشوه ودقينا كيف يفوتو بدون تأشيرة! لازم نكون مفتخرين انو البلد القادرة انها تستقبل اللاجئين من كل مكان بدل ما بنذم بالحكومة والقرار

وأضاف راشد العبد الله: والله لو شو ما عملتو الغرب ما رح يرضو عليكم الاولوية لاخواننا العرب وبعدين ما رح يتركو اوروبا الاواكرانيين ويجو لبلادنا

وتفاعل عصام خليفات: الاردن بلد الامن والامان والانسانية ،دولة رغم الامكانيات الاقتصادية المحدودة الا انها سباقة في مساعدة الانسانية 

ونختمها مع عبادة الذي قال: العرب بين بعضهم لازم تأشيرة وللاجانب مسموح دونها

كانت هذه مجموعة من تعليقات رواد مواقع التواصل الاجتماعي مع دخول الأوكرانيين للأردن دون تأشيرة.

radio albalad · أبرز ما تداوله رواد مواقع التواصل حول السماح بدخول الأوكرانيين دون تأشيرات مسبقة ومنحهم إقامات مؤقتة