تفاعل نشطاء مواقع التواصل الاجتماعي مع وسم التوقيت الصيفي بعد الإعلان عن بدء العمل بالتوقيت الصيفي ليلة الجمعة بتقديم عقارب الساعة 60 دقيقة ..

مما وصفه البعض بالقرار "غير السليم والمستعجل"..

كتب بدر الحويان: مهو يا بشر الخصاونه لو عندك عجي بمدرسة بعيدة عن دارك كيلوات وودهم نص ساعه عشان يوصل ما سويت هيك لا انت ولا كل مسؤول اتخذ هيك قرار

‏بس عجبكم مو مثل عجبنا سواقين وسيارات ومدارس بجنب الدار وخدم وحشم

وغردت سيرين: الفشل الحكومي بإدارة ملف التوقيت الصيفي

‏لم يحدث بالأمم السابقة ولا اللاحقة

‏من وعيت على الدنيا وهو يتغير بآخر شهر 3

‏شو الإنجاز الإقتصادي اللي رح نحققه بشهر ؟!

وتفاعل بهجت ابو زيد: لغاية الان الشمس ما طلعت والدنيا ليل !!

‏يعني صاحب فكرة التوقيت_الصيفي ما بعرف انه في ناس من الساعة 6 بطلعو ع دوامهم طلاب مدارس وجامعات وموظفين ذكور واناث ما بعرف انه في مناطق بالأردن ما فيها انارة شوارع ما بعرف انه صارت جريمة شنيعة بالزرقاء من ورا هيك تصرف سابقاً

عالية ابو الراغب قالت: يا ريت أصحاب القرار يتراجعوا عن #التوقيت_الصيفي

‏عشان الطلاب والأهل والبلد كلها.

‏خاصة برمضان يعني خلوا الليل طويل شوي. البلد إلها سنتين حظر برمضان خلي الناس تشتغل المسا.

‏أكتر من شغلة لازم يحسبوها . عادي يعني يتراجعوا ويأجلوها متل زمان لآخر نيسان شو صاير على الدنيا مش طايرة.

أما سهر: هما ليه مستعجلين عليه لسا الدنيا برد والصبح عتمة لازم نطلع عالدوام بالعتمة يعني.

ونختمها مع وطن: ولا احلى من هيك كل شي عنا بالاردن غريب

‏توقيت صيفي وبرا بتشتي يا جماعة في أحلى من هيك

كانت هذه مجموعة من تعليقات رواد مواقع التواصل الاجتماعي مع وسم التوقيت الصيفي

radio albalad · أبرز ما تداوله رواد مواقع التواصل حول التوقيت الصيفي