أثار تسجيل نحو أحد عشر ألفا وأربعمئة وسبعين إصابةَ كورونا وبنسبة فحوص إيجابية اقتربت من 23 بالمئة، رواد مواقع التواصل الاجتماعي، مطالبين بوضع إجراءات جديدة للحد من انتشار الوباء.

كتب محمود: يجب ان يكون التعليم عن بعد

الوضع مقلق والاصابات مرتفعة كثير

يجب ان يكون هناك حظر جزئي للحد من تفاقم الاعداد

وعلق مهند: وعلى أي أساس بتأجلو دوام المدارس والسبب بالنسبة الكم انو المدارس هية بؤرة للوباء، طيب المدارس معطلة ليش زادت الاصابات، طيب ليش اللقاح اجباري والاصابات بتزيد؟؟

اما ليان: وازا رجعوا المدارس رح تزيد الضعف

حولوهم اون لاين هالفصل

الله يحمي ولادنا ويحمينا من انتشار هالمرض بس هاد الي بنقدر نحكيه

ام سيف قالت: يجب وضع إجراءات بهيك وضع رحت على مستشفى البشير ما استقبلونا  إصابات كورونا اعداد كبيرة المفروض يعملوا اي إجراءات للحد من الانتشار السري

وتفاعل فوزي: لما كنا ع أصابه واصابتين حولتوا عن بعد اما هسا تعدينا ال ١٠ آلاف ومداومين ما شاء الله عليكم 

ونختمها مع عبير:مهو كل واحد بكورن بقلك لا انا مفلوز وبضل يطلع ويجي ويعدي اكبر عدد ممكن بعدين بكتشف انه مصاب كورونا طيب الي بحس بأعراض هي المراكز الصحية معبية روح افحص ولا تنشر المرض بحجة الفلوزة

كانت هذه مجموعة من تعليقات رواد مواقع التواصل الاجتماعي مع ارتفاع اعداد الإصابات بفايروس كورونا

radio albalad · أبرز ما تداوله رواد مواقع التواصل حول ارتفاع الاصابات ونسبة الفحوص الايجابية بكورونا