شهدت منصات التواصل الاجتماعي موجة غضب واسعة بسبب تريند “الخريس” أو “السلكة” الذي تحول من مجرد طقوس رمضانية إلى خطر حقيقي بعدما تسبب في تزايد الحرائق و الحوادث، واستنكر النشطاء هذه التصرفات المتهورة التي تهدد الأرواح والممتلكات …
حيث علقت كاترين : بالفترة هاي لازم أصحاب السوبرماركت ما يبيعوا أي طفل سلكة، لأنها بتنتشر بالشهر الفضيل
و قالت إسراء : التهمة تخريب ممتلكات عامة، الي بدو يعمل ترند يعملو ببيتو مش بأماكن عامة تخدم الجميع، لازم الشرطة تقبض على كل واحد بعمل هالترند
و أضافت غادة : الموضوع زاد عن حده و الجرائم الالكترونية يجب أن تمنع نشر الفيديوهات التي تتداول هذا الترند
و علق عزيز : حتى الكبار صارو يعملوها كل يوم بصير حالات حروق جراء اللعب فيها من قبل الأطفال اللي شعره محروق واللي وجهه والله يهدي البال
و قالت ابتهال : مئة مرة حكينا هاللعبة خطيرة ماحدا برد ولا بستوعب، حسبي الله ونعم الوكيل في اللي اخترعها، مبارح ولعت سيارة بالعقبة منها واليوم أشجار و ما خفي أعظم جد زودوها كثير لازم يفهموا انه أذى
و أضاف إسماعيل : المشكلة الموضوع صار ترند وشباب كبار في العمر ينشروا فيدوهات، فما بالك بالاطفال !؟ الأهل الي بحكولك عادي رمضان يفرحوا و تاركين أطفالهم بالشوارع للفجر أكبر مصيبة، بإمكانك بألف طريقة تفرح وتفرّح أطفالك بعيدا عن الضرر، كم فيديو لاطفال نحرقوا وأشجار وسيارات ومباني ومحلات تجارية ومع هيك لسا البعض بحكيلك عادي !
كان هذا أبرز ما تداوله رواد مواقع التواصل الإجتماعي لهذا اليوم، في أمان الله.
