استطاعت فتاة أردنية إنقاذ عمل والدها في مطعم شاورما في اقل من ساعات، بعد أن نشرت مناشدة عبر موقع فيس بوك للتوجه والشراء من المطعم الذي اصابه الكساد، في ساعات معدودة انهالت الطلبات على المحل.

وتصدر هاشتاغ #مطعم_سهول_سحاب مواقع التواصل ونشر مغردون آلاف التغريدات للتضامن مع الفتاة بينما أدرجت شركات توصيل المطعم ضمن قوائمها.

وكتبت الفتاة منشورا عبر صفحتها:

"مرحبا يا جماعة

والله بكتب ودموعي على خدي، اليوم حكيت مع بابا وكان صوته كتير تعبان واخر اشي صار يبكي، امانه ساعدوني بطلب صغير

بابا فتح محل شاورما ب سحاب واله تلات ايام ما بروح ع البيت وحاط كل تعبه بالمحل بس المحل ما بجيب شغل منيح وهوه كتير زعلان حكا لليوم معي وكان بعيط بحكيلي لسا ما بعت اشي

بابا اله بشتغل بالشاورما من 2003 الحمد لله دايما للكل بمدح بالخلطه والشاورما تاعته بس عشانه كبر بالعمر ما حد رضى يشغله عنده وهوه الوحيد يلي بنستند عليه بعد ربنا الحمد لله وقرر يفتح محل اله شاورما لانه ما حد بعرف المحل وجديد بابا مش قاعد ببيع منيح

مع انه أسعاره ابدا مش غاليه وكتير منيحه وهوه ما يقصر مع أي حد بيجي عنده لو ع حسابه الشخصي المهم عنده السمعه بشغله تضل نضيفه

اجيت بدي اعمله اعلان كتير بوخذوا غالي ما معي حق اعلان

ف حكيت هاد اخر حل اني انزل بوست عشان تساعدوني أسألكم بالله ساعدونا بابا هاي رزقته الوحيده اقسم بالله ما دخل من اول الشهر ع دارنا دينار والحمد لله بنحكي ان شاء الله خير

ساعدوني أسألكم بالله يلي قريب من سحاب

اسم محله سهول سحاب قرب دوار البلديه

الأسعار العادي ب 1,75 السوبر 2,30 والدبل 3,00 والتربل 4,00

صدقوني رح تحبوا الشاورما منه كتير

ادمن اقلبي الله يرضى عليكم قبل لا يخلص اليوم وبابا يخسر الشغل".

وبعد ساعات نشر المطعم عبر حسابه في فيسبوك النص التالي:

،مبدئياً شكراً لكل شخص وصل البيج هاد خلال ساعتين لهاد العدد اقسم بالله مش متخيلين كمية الفرحه اللي فرحتوني اياها

ما شاء الله كمية المسجات اللهم لك الحمد  الحمدالله دائماً وابداً اللهم زد وبارك شكراً لكل شخص ساهم برفع البوست

شكراً لكل شخص نشر البيج شكراً لكل شخص عمل منشن شكراً لكل شخص علق تعليق حلو +  شكراً لكل شخص شارك المنشور وقفتكم م بتنتسى والله 

شكراً كثير والله لو بقعد من هون ل سنين ل قدام اتشكر فيكم م بوفيكم 

الحمدلله حتى يبلغ الحمد منتهاه، الله يفرحكم ويسعدكم والله الدنيا لسا بخير".