عاشت منطقة أبو نصير في العاصمة عمّان حالة من القلق والترقب بعد اختفاء طفلين في حادثتين منفصلتين، وبحسب ذويهما، فقد فُقد الطفل زيد عطالله ياسين، البالغ من العمر 13 عامًا، منذ يومين بعد خروجه من المنزل، وفي حادثة أخرى منفصلة، اختفت الطفلة يسرى المحسن منذ مساء الأحد، حيث خرجت إلى أحد محال السوبرماركت القريبة من منزل عائلتها في المنطقة، عشية الاحتفال بعيد الاستقلال، مما أثار حالة من الرعب بين رواد مواقع التواصل الإجتماعي …

حيث علق محمد جرادات : قبل كم يوم بنسمع قصة بنت انخطفت بالرصيفة و هسه طفلين بأبو نصير لا حول ولا قوة إلا بالله، شو القصص هاي بمجتمعنا ! إذا وراها حد لازم ينعدم بميدان عام لأنه دب الرعب بقلوبنا على أطفالنا، الأمن و الأمان والناس اللي فيها هم راس مال هالبلد مش ناقصنا حد يجي يهدم كل اللي وصلناله من أمان، الله يحمي جميع الاطفال يا رب و يحفظ البلد من كل شر

و أضافت أمل : شو القصة شو مالها أبو نصير هاليومين كل شوي يختفي طفل؟  الأعمار متقاربة كمان في شيء مو طبيعي

و بعد ساعات من البحث المتواصل في منطقة أبو نصير، أعلنت مديرية الأمن العام عن العثور على الطفلين زيد ويسرى، وقد لاقى هذا الإعلان ارتياحًا واسعًا في المنطقة وبين الأهالي

حيث علق صلاح شاهين : الحمد لله حمدًا كثيرًا طيبًا مباركًا على سلامة أطفالنا وعودتهم إلى أهاليهم بخير وسلام، فمشاعر الفرح لا توصف بعد ساعات القلق والانتظار، و كل الشكر والتقدير لجهاز الأمن العام وكوادره على جهودهم الكبيرة والسريعة

و قالت حنين النعيمات : الحمدلله عسلامتهم أولًا، ثانيًا، احنا لما نطلب نعرف وين كانوا الاطفال مش حب فضول طبعًا، ولكن عنّا أطفال وبدنا نزيد التوعية عندهم، ومتل ما أقلقتوا راحتنا صارلكم يومين ورعبتونا المفروض هالخبر يكون أوضح

و كتب مهند الشوبكي : الكل بسأل عن التفاصيل و وين كانوا، هذا الحكي كله ما بطعمي خبز، التفاصيل الصح الكل يدير باله على أولاده ويعرف تفاصيل يوم ابنه او بنته بالكامل ومع مين بقعد ومع مين بتواصل على السوشال ميديا، الجيل هذا أوعى مما تتصور لازم الكل يدير باله

كان هذا أبرز ما تداوله رواد مواقع التواصل الإجتماعي لهذا اليوم